КОРЪӘН УКЫП, САВАБЫН ӘРВАХЛАРГА БАГЫШЛАГАНДА УКЫЛА ТОРГАН ДОГА:
КИРӘКЛЕ ДОГАЛАР 💟💟💟💟СТЕНАГЫЗГА АЛЫГЫЗ!
"Бисмилләһир-рахманир-рахим.
Әллаһүммә бәлигсәүабә макүриъә фиһәзиһис-сәгәтиш-шәрифәти мин китәбикәл-кәрими илә әр үахи җәмигил-әмүәтил-мүслиминә кәффәтән вә гәммәтән хусусан минһүм иләрүәхи әкрибәи-әл-ләзинә әзкүрүһүм билисәни".
(Мәгънәсе:
"Мәрхәмәтле , рәхимле Аллаһ Тәгалә исеме белән башлыйм.
Әй,Аллаһым!Хөрмәтле китабыңнан ошбу шәриф сәгатьтә укылганның савабын мөселман мәетләренең һәрберсенең җаннарына ирештер,хосусән, хәзер телем белән санап зикер кылачак үземә якын мәетләрнең җаннарына да ирештер".
Моны укыганнан соң үзеңә якын мәетләрне исемнәре вә аталарының исемнәре белән берәм-берәм зикер итеп чыгыла. Мәсәлән, болай: "Йә,Рабби!Ошбу укылган Коръәннең савабын атам фәлән-фәлән углының, анам фәлән-фәлән кызының, агам фәлән-фәлән углының вә дустым фәлән-фәлән кызының рух шәрифләренә ирештер.
"Бисмилләәһир-рахмәәнир-рахииим.
Ий,Раббым! Үзеңнең ризалыгың өчен укылган ошбу Коръән аятьләрен укудагы хата-кимчелекләребезне гафу итеп, Үзеңнең киң рәхмәтең белән кабул ит. Хасил булган әҗер-савапларын – иң элек барча галәмгә рәхмәт өчен җибәрелгән Пәйгамбәребез Мөхәммәд Мостафа салләллаһу галәйһи вә сәлләмнең һәм аның гаиләсенең рух Шәрифләренә ирештерсәң иде. Атабыз Адәм белән анабыз Һәваның рух Шәрифләренә ирештерсәң иде. Шулай ук, атабыз Адәм галәйһиссәләмнән алып, Мөхәммәд галәйһиссәләмгә кадәр Җир йөзенә килеп киткән барча пәйгамбәрләрнең, габидләрнең, заһидләрнең, остазларыбызның, мөэмин-мөэминә булып үткән барча әти-әни,әби-бабаларыбызның рух Шәрифләренә ирештерсәң иде.
Газиз әнкәемнең, газиз әткәемнең, кадерле кайнанам белән кайнатамның рух Шәрифләренә ирештерсәң иде.
Кадерле кыз туганнарым һәм ир туганнарымның рух Шәрифләренә ирештерсәң иде.
Өсләребездә хаклары булган, гайбәтләренә төшкән әрвахларның рух Шәрифләренә ирештерсәң иде.
Раббым аларның рухларын шат кылып, гөнаһларын ярлыкасаң иде. Әмин.
Раббым, Үзеңнең рәхмәтең белән гөнаһларыбызны ярлыка, дөньяда һәм ахирәттә изге максатларыбызга ирешергә насыйп ит.
Раббым, дөньяда яшәгән вакытыбызда бәндәләргә мохтаҗ кылма. Тәннәребезгә сәламәтлек, җаннарыбызга тынычлык бир. Калеб һәм маңгай күзләребезне ач. Башларыбызга зирәк зиһен, үткен фикер, камил гакыл, күркәм холык, йомшак фигыль, тулы иман бир. Дөньяда яшәгәндә гамәл-гыйбадәт, хәер-ихсан белән яшәп, үлем вакытларыбызда ансат үлем бир. Әманәт җаннарыбызны биргәндә, җәннәтңне күреп, ансат кына тапшырырга насыйп ит.
Кабергә барып кергәндә рәхмәт фәрештәләрең каршылап, сорау-җавапларыбызны да җиңел бирергә һәм җәннәтләреңә дә керергә насыйп ит.
Раббәнәә әәтинә фид-д дүньйәә хәсәнәтәү-үә фил-әәхыйрати хәсәнәтәү-үә кыйнәә газәбән-нәәр,вәхшәрнә йәүмил кыямәти, бирахмәтикә йәә әрхамәр-раахимиин. Әмин."
(Вакытыгыз булса,бу доганы һәрбер намаздан соң яисә һәр атнаның пәнҗешәмбе(четверг) кичендә-җомга(пятница) көнендә (тәхарәтләнеп) укырга тырышыгыз)
Чыганак: https://vk.com/wall-28409022_41